السلام عليكم !!
الف مبروووووووووك للي ولدوا وعقبال الكروشاات
حبيت اقولكم عن نظام اتبعته في نفاسي ورجعت زي اول ايام زواجي الحمدالله والله كاني بنت
طبعا اهتميت مرره لاني كنت خايفه مارجع زي اول لان هذه ولادتي الثانيه وماخيطوني لان الولاده مبكره والجنين وزنه ناقص فقلتلها خيطي قالت لا لان ماسويت توسيع والخياطه تكون للتوسيع عاد شوفوا الرعب اللي عشته طول فترة النفاس >>> تقول قصة حياتها
اخلصي وش سويتي
اول شي
1) بديت اسوي تمارين كيجل طول فترة النفاس مااستغني عنها
2)اشرب حلبه العشرين يوم الاولى بس طبعا اللي سوالي البرنامج مامي ربي لا يحرمني منها ويطول بعمرها
3) اشرب شاهي النفاس (يانسون +قشرقهوه +قرفه+ كمون كنت احليها لان مابي انحف
العشرين يوم الاولى
اخذ ع الريق (ملعقه من حلبه +قرنفل مطحونه مع حبه سوداء مومطحونه مع كوب حليب ) هذي سويتها تقريبا لمدة اربع اوخمس ايام وتركتها لان جابر القحطاني مايمدحها
وكنت اكل تمر معبوط مع سمن وحب رشاد
اممممممممممم وش كنت اسوي بعد
ااه اشتريت عباءة السيده واستخدمتها لما طهرت
تقريبا ع العشرين يوم الاخيره هي طريقتها كوب الصباح وكوب المساء لمدة عشرين يوم كنت اسويها كوب الصباح وكوب المساء بعدين اهملت وصرت اخذها كوب في اليوم وجلست بس 15 يوم ماكملت 20يوم
وكنت احط مع شاهي النفاس قشر رمان مطحون انا جففته وطحنته مرررره روعه يضيق الى الان اسويه
وش بعد امممممممممممممممممممممم
ايييييييييييييه كنت ابلع ( زنجبيل مطحون + قرفه مطحونه + قشر رمان مطحون+ كمون مطحون عجنتها بعسل وكورتها وكنت اخذ منها حبه يوميا) طبعا الطريقه هذي اخذتها من النت نسيت من اي موقع ومين العضوه اللي كتبتها الله يعطيها العافيه هي كتبتها تحت عنوان لا تحتاجي عمليه تجميليه للمهب0000وصدق حتى المنطقه شكلها يرجع زي اول
طبعا كنت ابتعد عن المشروبات البارده والغازيه والايسكريم والحوامض والزبادي وكنت اركز ع المشروبات الساخنه
وكنت ابتعد عن المأكولات اللزجه مثل الملوخيه الباميه
ما كنت اشيل ثقيل وكنت اتدفى زين رجولي لبست شرابات ماامشي ع السيراميك حافيه ولبست بنطلون طويل
اخواتي يضحكوا عليه يقولوا كأنك عجوز بنطلون وشرابات وريحة الحلبه والرشاد حتى انا كرهت نفسي بس وش اسوي
لازم عشان الامور تصيرتمام
وكنت اتوضى بمنقوع المره والملح الخشن طول الفتره
وايام اضيف لها قشر رمان مطحووون واتوضى فيها
ااااااااي يدي تعورني من الكتابه
بس اتحمل كرما لعيونكم
كنت اركز ع الفلفل الاسود في اكلي واشرب الحليب الدافي
واكثر من مرق اللحم واركز ع اللحم لانه رهيييييييييب
واكل بر مع سمن
وكمان ع الايام الاخيره تبخرت بخواجوا ومره وكمون وقشر بصل مطحونه سويتها مرتين بس والريحه وااااااااع بس اتحملوا
والله يابنات اللي تمشي ع البرنامج راح تنبسط في النهايه وراح ينبسط ابو الشباب كمان لان له مفعول سحري عن جد
صح في البدايه تحسي تعب بس بعدين تتعودي عليه ويصير روتيني معاك
واتمنى اللي يستفيد من الموضوع يدعيلي واللي ينقل الموضوع ينقله باسمي لانه مجهود شخصي
السبت ديسمبر 31, 2011 10:34 pm
